Мы тхылъым я 11-рэ классым адыгэ литературэмкIэ щезыгъаджэхэрэм IэпыIэгъу афэхъунэу тыщэгугъы. Мы классым пае учебники тэгъэхьазыры. Ау ар гъунэм нэгъэсыгъэным джыри уахътэ ищыкIагъ. Ащ темыжэу хьазыр хъугъэхэ тхыгъэхэр кIэлэегъаджэхэм нахь атегъэпсыкIыгъэхэу зэдгъэфагъэх, упчIэ, джэуап, гъэцэкIэн, езбыр зыфэпIощт методическэ Iофыгъо жъугъэхэм ащытыухьагъэгу. Теоретическэ зэфэхьысыжьым нахь фэкъудыигъэу тхылъыр зэдгъэфагъэ. ТхэкIо пстэоу я 11-рэ классым ипрограммэ къыхиубытэхэрэми талъыIэсыгъэгоп, азыныкъу ныIэп мы тхылъым дэхьагъэри. ГъэкIэкIыгъэу къэттыгъэхэри ахэтых. Аущтэу программэм темыфэ дэдэу гъэпсыгъэми, кIэлэегъаджэхэм къашъхьапэным тыпылъыгъ.Дэтхэр зытхыгъэхэр: Мамый Руслъан ("Адыгэ литературэр 1960-2000-рэ илъэсхэм", "МэщбэшIэ Исхьакъ"); ХьакIэмызэ Мир ("Шъхьаплъэкъо Хьис", "КъумпIыл Къадырбэч", "Къуекъо Налбый", "Нэхэе Руслъан"); Хьамырзэкъо Нурыет ("Бэрэтэрэ Хьамид", "Бэгъ Нурбый").